Ashley Cole meiddur og missir af landsleiknum

Ashley Cole, leikmaður Chelsea, hefur dregið sig úr enska landsliðshópnum þar sem hann er að glíma við meiðsli í ökkla.

Cole var tekinn af velli í uppbótartíma þegar að Chelsea mætti Atletico Madrid á föstudagskvöldið en hefur nú snúið aftur til síns félags þar sem hann verður í frekari meðhöndlun vegna meiðslanna sem munu hafa tekið sig upp í leiknum.

England mætir Moldóvu á föstudagskvöldið og svo Úkraínu á þriðjudag í næstu viku. Ekki er útilokað að Cole nái síðari leiknum en það kemur í ljós þegar nær dregur þeim leik.

Andy Carroll, Jack Rodwell og Wayne Rooney hafa einnig dregið sig úr landsliðshópnum vegna meiðsla.