Meireles seldur til Tyrklands

Tyrkneska liðið Fenerbahce hefur gengið frá kaupum á portúgalska miðjumanninum Raul Meireles frá Chelsea.

Meireles skrifaði undir fjögurra ára samning við tyrkneska félagið. Hægt var að ganga frá kaupunum þar sem tyrkneski félagaskiptaglugginn lokar ekki fyrr en á miðvikudag.

Hermt er að Fenerbahce hafi greitt 8 milljónir punda fyrir Portúgalann sem orðinn er 29 ára.

Roberto Di Matteo, stjóri Chelsea, telur sig ekki hafa nein not fyrir Meireles lengur og leyfði honum þessa vegna að fara.