Demba Ba má ekki keyra bíl næstu sex mánuði

Demba Ba, framherji Newcastle United, er þekktur fyrir mikinn hraða inn á vellinum en hann vill greinilega líka fara hratt yfir utan vallar. Ba er nú búinn að missa bílprófið sitt eftir að hafa verið tekinn tvisvar sinnum fyrir of hraðann akstur.

Bílinn hans Demba Ba var myndaður tvisvar sinnum yfir hraðamörkum en Senegalinn var ekki tilbúinn að segja lögreglunni hver hefði verið að keyra bílinn. Ba var síðan dæmdur í sex mánaða ökubann en þessi 27 ára framherji skrópaði í réttinn.

Lögreglan vill ekki gefa það upp hversu hratt Ba fór eða hvar hann var tekinn en staðfesti að um tvo skipti hafi verið að ræða. Demba Ba fékk þúsund punda sekt auk þess að greiða allan réttarkostnað. Newcastle United hefur ekki gefið frá sér yfirlýsingu um málið og ekkert heyrst frá Demba Ba sjálfum.

Demba Ba hefur skorað eitt mark í fyrstu þremur leikjum Newcastle í ensku úrvalsdeildinni á þessu tímabili en hann var með 16 mörk á síðustu leiktíð þrátt fyrir að skora ekki í fjórtán síðustu leikjunum.