Chelsea kaupir Azpilicueta

Chelsea heldur áfram að láta til sín taka á leikmannamarkaðnum og hefur nú gengið frá kaupum á bakverðinum Cesar Azpilicueta.

Hann kemur til félagsins frá Marseille en kaupverðið er ekki gefið upp. Hann er fimmti leikmaðurinn sem Chelsea kaupir í sumar.

Áður voru komnir Eden Hazard, Oscar, Marko Marin og Thorgan Hazard. Victor Moses er svo einnig á leið til liðsins.

Azpilicueta hefur staðið sig vel með Marseille undanfarin tvö ár en hann er 22 ára gamall. Hann er spænskur og lék með spænska liðinu á Ólympíuleikunum.