Coyle: Næstu 24 tímar skipta öllu máli fyrir Muamba

Owen Coyle, stjóri Bolton, hefur tjáð sig um veikindi miðjumannsins Fabrice Muamba sem hneig niður í fyrri hálfleik í bikarleik Tottenham og Bolton í gær. Leikurinn var í kjölfarið flautaður af.

„Þetta er mjög alvarlegt og við getum ekkert farið í kringum það. Ef guð lofar þá kemst hann í gegnum þetta," sagði Owen Coyle.

„Fabrice er alvarlega veikur. Næstu 24 tímar munu skipta öllu máli fyrir hann," bætti Coyle við.

Fabrice Muamba liggur á Hjartadeild London Chest spítalans í London og er í gjörgæslu. Hann var endurlífgaður á vellinum, bæði með hjartahnoði og með hjartastuðtæki.