Framleiðendur Mad Men sakaðir um vanvirðingu

Framleiðendur sjónvarpsþáttanna Mad Men hafa verið sakaðir um að vanvirða minningu þeirra sem létust í Tvíburaturnunum árið 2001.

Ný þáttaröð sjónvarpsþáttanna vinsælu hefur verið auglýst víða og þá sérstaklega í New York. Risavöxnum auglýsingum hefur verið komið fyrir á áberandi stöðum borgarinnar, þar á meðal við Penn Station en milljónir manna leggja leið sína í gegnum stöðina á degi hverjum.

Auglýsingarnar sýna aðalpersónu sjónvarpsþáttanna, Donald Draper, falla af himnum ofan. New York-búar segja að auglýsingin sé með óbeinum hætti að vísa til þeirra sem féllu úr Tvíburaturnunum árið 2001.

Nokkur fórnarlömb hryðjuverkaárásanna kusu frekar að falla til jarða en að brenna inni.

Sjónvarpsstöðin AMC, sem framleiðir Mad Men, hefur varið auglýsingaherferðina „Myndin sem sýnir Don Draper falla til jarðar hefur verið notuð síðan sjónvarpsþættirnir hófu göngu sína árið 2007. Myndin táknar þá togstreitu sem einkennir líf söguhetjunnar."