Swansea getur ekki hætt að skora

Swansea undir stjórn Michael Laudrup heldur áfram að fara á kostum og verður klárlega á toppi deildarinnar eftir helgina. Swansea valtaði yfir West Ham í dag, 3-0.

Swansea er með markatöluna 8-0 eftir fyrstu tvo leikina. Liðið hefur verið að spila frábærlega og Spánverjinn Michu er hreint óstöðvandi. Skoraði tvö mörk um síðustu helgi og hélt áfram að skora í dag.

West Ham gerði Swansea reyndar auðvelt fyrir í dag og gaf þeim nánast fyrstu tvö mörkin. Jussi í markinu gaf fyrsta markð og James Collins kom boltanum einhverra hluta vegna á Michu í öðru markinu. Hann þakkaði fyrir með því að skora. Þriðja markið var samt snilld. Laglegt uppspil og vel klárað hjá Graham.