Kenny hættir á Twitter og biðst afsökunar

Markvörður Leeds, Paddy Kenny, er hættur á Twitter og hefur beðið eiganda QPR, Tony Fernandes, afsökunar á sms-unum sem hann sendi í ölæði um síðustu helgi.

Kenny hefur þess utan verið sektaður af Leeds en hann fór mikinn á Twitter og urðaði yfir QPR.

"Það voru vonbrigði að eitthvað sem byrjaði sem góð skemmtun skildi enda á slíkan hátt. Kenny sér eftir þessu og hefur margbeðið afsökunar. Ég sagði honum að það væri allt í lagi að fá sér einn til þess að fagna sigri en hann yrði að passa sig að svona kæmi ekki fyrir," sagði Neil Warnock, stjóri Leeds.

"Hann var augljóslega sektaður og samþykkti að hætta á Twitter. Ég hef rætt við Tony og er klár á því að þessi uppákoma mun ekki endurtaka sig."