Liverpool reynir að fá Daniel Sturridge á láni

Liverpool lánaði Andy Carroll til West Ham í gærkvöldi og lokadagur félagsskiptagluggans mun fara í það að reyna að fá Chelsea-sóknarmanninn Daniel Sturridge á láni út tímabilið.

Brendan Rodgers, stjóri Liverpool, talaði um það eftir að liðið sló Hearts út úr Evrópudeildinni í gær að hann ætlaði sér að fá einn eða tvo nýja leikmenn til liðsins áður en glugginn lokar.

Hinn 22 ára gamli Daniel Sturridge hefur dottið aftur í goggunarröðina hjá Chelsea eftir komu margra nýja leikmanna í hans stöðu. Rodgers var ekki tilbúinn að borga fimmtán milljónir punda fyrir hann en tók vel í að fá landsliðsframherjann á láni. Það lítur því út að Liverpool geti áfram teflt fram enskum landsliðsmanni í framlínunni.