Man. Utd búið að kaupa Van Persie frá Arsenal

Stuðningsmenn Arsenal eru í sárum eftir að staðfest var nú í kvöld að Man. Utd væri búið að festa kaup á þeirra besta manni, Robin van Persie. Þetta er staðfest á heimasíðu Man. Utd. BBC segir að kaupverðið sé 24 milljónir punda og mun Hollendingurinn skrifa undir fjögurra ára samning.

Van Persie er væntanlegur í læknisskoðun á næstu tveimur dögum og þá verður einig samið um kaup og kjör.

Van Persie hefur verið fyrirliði Arsenal og skoraði 44 mörk í 57 leikjum fyrir Arsenal á síðustu leiktíð.

Samningur Van Persie við Arsenal átti að renna út næsta sumar og leikmaðurinn var ófáanlegur til þess að skrifa undir nýjan samning.

Arsenal ákvað því að selja leikmanninn núna í stað þess að missa hann án greiðslu næsta sumar.