Beyonce er einn minnsti hvolpur veraldar

Talið er að hvolpurinn Beyonce hafi slegið heimsmet. Hann var svo lítill við fæðingu að hann passaði ágætlega í skeið.

Beyonce, sem er Dachshund-blendingur, fæddist í dýraathvarfi 8. mars síðastliðinn. Hjarta hennar sló ekki þegar hún kom í heiminn en dýralæknum tókst að endurlífga hana.

Síðan þá hefur Beyonce dafnað vel og er nú á stærð við nafnspjald.

Starfsmenn í dýraathvarfinu segja að Beyonce verði brátt reiðubúin fyrir ættleiðingu og að margir hafi sýnt henni áhuga.

Nú þegar hafa starfsmennirnir haft samband við heimsmetabók Guinnes og verður skorið úr um hvort að Beyonce sé minnsti hvolpur veraldar á næstu dögum.