Leikmenn Arsenal fóru út á lífið eftir tapið gegn Fulham

Það var ekki bara Arsene Wenger, stjóri Arsenal, sem var í öngum sínum eftir tapið gegn Fulham því nokkrir leikmanna Arsenal skelltu sér út á lífið til þess að drekkja sorgum sínum.

Meðal annars sást til markvarðarsins Wojciech Szczesny og hins meidda miðjumanns, Jack Wilshere, á vinsælum næturklúbbi nokkrúm tímum eftir leik.

Þeir voru ekki hrifnir af því er ljósmyndarar sáu hverjir voru á ferð og gerðu sitt besta til þess að hylja andlit sín. Það gekk ekki.

Wilshere er á sjúkralista og mátti væntanlega kíkja út á galeiðuna en markvörðurinn gæti þurft að svara til saka.