Van der Vaart kann ekkert að halda tennisbolta á lofti

Hollendingurinn Rafael van der Vaart, leikmaður Spurs, er magnaður leikmaður en hann veit ekkert hvað á að gera þegar hann er með tennisbolta á fótunum.

Enska knattspyrnusambandið hefur staðið fyrir skemmtilegri keppni í að halda tennisbolta á lofti. Taka bæði núverandi og fyrrverandi stjörnur þátt í keppninni.

Jordan Henderson, leikmaður Liverpool, leiðir keppnina en hann náði 148. Van der Vaart situr aftur á móti á botninum með heila 14, takk fyrir.

Meira að segja gamla kempan Paul Merson náði 47.

Hægt er að sjá neyðarlega tilburði Van der Vaart með tennisboltann hér að ofan.