Blackburn vill fá Zenden

Steve Kean, stjóri Blackburn, er þessa dagana á eftir Hollendingnum Boudewijn Zenden sem flestir héldu eflaust að væri búinn að leggja skóna á hilluna.

Skal engan undra þar sem Zenden hefur ekkert spilað í vetur. Hann fékk ekki nýjan samning hjá Sunderland síðasta sumar.

"Hann er gríðarlega reyndur og okkur veitir ekki af slíkum leikmönnum," sagði Kean sem hefur enn tröllatrú á Zenden.

Zenden lék á sínum tíma 54 landsleiki fyrir Holland og varð spænskur meistari með Barcelona.