Pienaar kominn aftur til Everton

Suður-Afríkumaðurinn Steven Pienaar er kominn aftur til Everton en nú sem lánsmaður frá Tottenham til loka tímabilsins. Þetta var staðfest nú rétt fyrir miðnætti.

Pienaar kom til Tottenham fyrir ári síðan en hefur lítið náð að spila með liðinu, meðal annars vegna meiðsla. Hann gerði fjögurra ára samning á sínum tíma.

Hann var hjá Everton í alls fjögur ár og eru stuðningsmenn félagsins sjálfsagt hæstánægðir með fá hann aftur í bláa búninginn.

Tottenham gekk í dag frá kaupum á Louis Saha, sóknarmanni Everton, og þá mun varnarmaðurinn Ryan Nelsen, varnarmaður Blackburn, einnig vera á leið til félagsins.