Chelsea gæti brotið 100 milljón punda múrinn með kaupum á Schürrle

Chelsea hefur verið að yngja upp í leikmannahópnum í sumar og nýjasti ungi leikmaðurinn á leiðinni á Stamford Bridge gæti verið André Schürrle hjá Bayer Leverkusen. Bayer Leverkusen er þegar búið að hafna 16 milljón punda tilboði Chelsea í þýska landsliðsmanninn en Guardian segir að Chelsea sé tilbúið að hækka sig til þess að krækja í leikmanninn áður en félagsskiptaglugginn lokar á föstudaginn.

Chelsea hefur þegar keypt framtíðarmenn eins og þá Eden Hazard (32 milljónir punda), Oscar (20), Marko Marin (7) and Victor Moses (9) auk þess að eyða um 7 milljónum í hægri bakvörðinn Cesar Azpilicueta sem kemur frá Marseille.

Edinson Cavani, Radamel Falcao og Hulk hafa allir verið orðaðir við Chelsea-liðið en það lítur út fyrir að Roberto di Matteo vilja fremur öllu ná í hinn 21 árs gamla André Schürrle í leitinni að nýjum framherja.

Með kaupunum á Schürrle gæti Chelsea brotið 100 milljón punda múrinn í sumar en það mætti halda að eigandinn Roman Abramovich sé enn í sigurvímu frá því síðasta vor þegar Meistaradeildarbikarinn vannst loksins.

André Schürrle getur spilað flestar stöður framarlega á vellinum en hann var með 7 mörk og 6 stoðsendingar í 31 leik í þýsku úrvalsdeildinni á síðustu leiktíð sem var jafnframt það fyrsta hjá honum í herbúðum Leverkusen.