Dalglish: Margt jákvætt hjá okkur í kvöld

Kenny Dalglish, stjóri Liverpool, var kátur eftir 5-1 sigur á Oldham í enska bikarnum í kvöld en Liverpool varð þar með fyrsta félagið sem kemst áfram í 4. umferðina.

„Lokastaðan gaf nú ekki alveg rétta mynd af leiknum. Stjóri Oldham getur verið stoltur af frammistöðu sinna manna. Þeir sköpuðu nokkur góð færi ekki síst í fyrri hálfleiknum. Það hjálpaði okkur mikið að jafna leikinn svo fljótt eftir að þeir skoruðu," sagði Kevin Dalglish en Liverpool jafnaði metin aðeins 66 sekúndum eftir að Oldham komst í 1-0.

„Lokastaðan sýnir ekki muninn á þessum liðum ef við tökum mið af spilamennsku liðanna í kvöld," sagði Dalglish.

„Það var margt jákvætt hjá okkur í kvöld. Stewart Downing náði að skora, Andy komst á blað, Jonjo skoraði líka og Steven setti eitt úr víti. Þessir þurfa bara að fá fleiri leiki og verða þá betri með hverjum leik," sagði Dalglish.