Henry verður með Arsenal í Meistaradeildinni

Franski framherjinn Thierry Henry mun leika með Arsenal í Meistaradeild Evrópu en félagið mætir AC Milan í 16-liða úrslitum keppninnar í næsta mánuði.

Þetta kemur fram í yfirlýsingu frá félaginu á heimasíðu Arsenal. Henry verður á láni hjá félaginu frá New York Red Bulls.

Henry verður löglegur með liðinu annað kvöld þegar Arsenal mætir Leeds í þriðju umferð ensku bikarkeppninnar. Henry lék með Arsenal á árunum 1999-2007 og þykir ein mesta goðsögn félagsins frá upphafi.

„Það losnaði eitt pláss í Meistaradeildarhópnum okkar þegar Vito Mannone var lánaður til Hull, Henry mun því fá plássið hans. Hann hefur gríðarlega reynslu frá þessari keppni og mun reynast okkur vel," sagði Wenger.