Ferguson: Redknapp sá eini sem kemur til greina

Sir Alex Ferguson, knattspyrnustjóri Manchester United, telur að Harry Redknapp, knattspyrnustjóri Tottenham Hotspur, verði næsti landsliðsþjálfari Englendinga og að það væri fráleitt að velja annan í starfið.

Fabio Capello hætti með enska landsliðið í síðasta mánuði og núna leitar enska knattspyrnusambandið að eftirmanni hans.

Redknapp þykir langlíklegastur til þess að krækja í starfið en líklega verður enginn ráðinn í starfið fyrir en núverandi tímabili líkur.

„Ég held að það geti enginn komið í veg fyrir það að Harry (Redknapp) taki við Englandi," sagði Ferguson á blaðamannafundi fyrir leik Manchester United og Tottenham sem fer fram síðar í dag.

„Ég veit að enska knattspyrnusambandið telur sig þurfa skoða fleiri kosti en ég sé hreinlega engan annan sem gæti tekið við liðinu á þessum tímapunkti."

„Ef sambandið ákveður að ráða annan mann í starfið þá mun almenningur hópast gegn sambandinu og það er ekki gott, svo stuttu fyrir EM í sumar."