Young: Spiluðum ekki eins og við best getum

Ashley Young var ánægður með seinni hálfleik sinna manna í Manchester United en hann skoraði tvívegis í 3-1 sigri á Tottenham í dag.

„Við vorum ekki upp á okkar besta í fyrri hálfleik en komumst samt 1-0 yfir," sagði Young. „Það var svo frábært að ná að skora tvívegis í seinni hálfleik, sérstaklega á útivelli, og vinna sigur."

„En ég held að allir vitum við að við vorum ekki að spila eins vel og við getum. En við náðum okkur á strik í seinni hálfleik."

„Við náðum bara ekki að láta boltann ganga vel á milli manna. Svona lagað gerist."