Framlínan að verða eins og árið 1999

Sir Alex Ferguson, stjóri Man. Utd, segir að sóknarlína Man. Utd sé nú farinn að líkjast sóknarlínunni sem United stillti upp árið 1999 er það vann þrennuna fræga.

"Árið 1999 vorum við með Dwight Yorke, Andy Cole, Teddy Sheringham og Ole Gunnar Solskjær. Fjórir af bestu framherjum Evrópu," sagði Ferguson sem er að bæta Robin van Persie við framherjalínu sína.

Fyrir eru Wayne Rooney, Javier Hernandez og Danny Welbeck.

"Rooney og Van Persie eru stórkostlegir leikmenn og það verður frábært að tefla þeim báðum fram. Þetta er stórkostlegt úrval sem ég hef og vonandi næ ég að blanda öllu rétt saman."