Hodgson: Við getum alveg eins orðið heimsmeistarar

Roy Hodgson, landsliðsþjálfari Englands, vill meina að enskir geti orðið heimsmeistarar í Brasilíu árið 2014.

„Það er ekkert útilokað í knattspyrnu og oftar en ekki standa þeir ólíklegu uppi sem sigurvegarar. Við sáum Chelsea vinna Meistaradeild Evrópu á síðasta tímabili og því getur England alveg eins orðið heimsmeistari."

„Ég geri mér grein fyrir því að margir útlendingar eru í ensku úrvalsdeildinni en samt sem áður sáum við sjö Englendinga í byrjunarliðið Manchester United fyrir stuttu og þeir eru í efsta sæti deildarinnar, það hlýtur að segja manni að mikil gæði eru í okkar leikmönnum."

Englendingar eru eins og staðan er í dag í öðru sæti H-riðils í undankeppni HM 2014 en Hodgson vill enda á toppi riðilsins.

„Við ætlum okkur að vinna riðilinn og sleppa við umspil, þar geta góð lið auðveldlega dottið út."