Sló í gegn í rauveruleikaþætti og fékk samning við Liverpool

Þegar hinn 16 ára gamli Tyrki, Emin Altunay, ákvað að taka þátt í knattspyrnuraunveruleikaþætti grunaði hann líklega aldrei hvað það ætti eftir að leiða af sér.

Strákurinn er nefnilega búinn að fá árs samning við Liverpool þar sem hann fær tækifæri á því að þróa hæfileika sína enn frekar.

Í tyrkneska þættinum, sem heitir Futbol Prensi, spilaði Altunay gegn nokkrum unglingaliðsleikmönnum Liverpool og sló í gegn.

"Ég vil þakka öllum sem hafa veitt mér þetta tækifæri. Ég mun ekki valda þeim vonbrigðum," sagði Tyrkinn ungi sem er eðlilega í skýjunum með þróun mála.