Owen búinn að semja við Stoke

Ekkert verður af því að Michael Owen gangi í raðir Liverpool því hann er búinn að skrifa undir samning við Stoke City.

Owen var án samnings en hann hafði undanfarin þrjú ár verið í herbúðum Man. Utd. Þar spilaði hann aðeins 52 leiki en skoraði þó 17 mörk.

Owen, sem orðinn er 32 ára, hefur áður leikið með Liverpool, Real Madrid og Newcastle. Hann á einnig 89 leiki að baki með enska landsliðinu.

Margir hafa efasemdir um þetta skref hjá Owen enda verður seint sagt að Stoke spili fótbolta sem henti honum.