Chelsea með sex leikmenn í enska landsliðshópnum

Roy Hodgson, landsliðsþjálfari Englendinga, hefur valið hóp sinn fyrir leiki í undankeppni HM 2014 á móti Moldavíu og Úkraínu. John Terry er valinn í hópinn sem og nýliðinn Ryan Bertrand og varaskeifan hjá Liverpool, Andy Carroll.

Chelsea á sex leikmenn í hópnum því auk Terry og Bertrand voru þeir Gary Cahill, Ashley Cole, Frank Lampard og Daniel Sturridge valdir í liðið.

Manchester United mennirnir Michael Carrick og Tom Cleverley eru báðir í liðinu ásamt liðsfélaga sínum Danny Welbeck. Wayne Rooney er frá vegna meiðsla. Liverpool og Manchester City eiga einnig þrjá leikmenn í hópnum.

Landsliðshópur Roy Hodgson:

Markmenn: Jack Butland (Birmingham), Joe Hart (Man City), John Ruddy (Norwich)

Varnarmenn: Leighton Baines (Everton), Ryan Bertrand (Chelsea), Gary Cahill (Chelsea), Ashley Cole (Chelsea), Phil Jagielka (Everton), Glen Johnson (Liverpool), Joleon Lescott (Man City), John Terry (Chelsea), Kyle Walker (Tottenham)

Miðjumenn: Michael Carrick (Man United), Tom Cleverley (Man United), Alex Oxlade-Chamberlain (Arsenal), Steven Gerrard (Liverpool), Adam Johnson (Sunderland), Frank Lampard (Chelsea), James Milner (Man City), Theo Walcott (Arsenal)

Sóknarmenn: Andy Carroll (Liverpool), Jermain Defoe (Tottenham), Daniel Sturridge (Chelsea), Danny Welbeck (Man United).