Fulham búið að samþykkja tilboð Aston Villa í Clint Dempsey

Bandaríkjamaðurinn Clint Dempsey er á förum frá Fulham og hefur verið sterklega orðaður við Liverpool. Liverpool hefur ekki verið tilbúið að borga uppsett verð fyrir leikmanninn en Aston Villa hefur nú blandað sér inn í baráttuna.

BBC segir frá því að Fulham hafi samþykkt tilboð Aston Villa í Clint Dempsey en það er talið að Lundúnaliðið vilji fá sjö milljónir punda fyrir hann.

Það er þó ekki öruggt að Dempsey fari til Aston Villa því leikmaðurinn vill sjálfur komast á Anfield og því gæti verið erfitt fyrir hann að sætta sig við það að fara til Aston Villa liðsins sem er stigalaust eftir tvær umferðir.

Liverpool var að reyna að "losa" sig við miðjumennina Charlie Adam og Jordan Henderson í gær en án árangurs en ekkert verður væntanlega að komu Dempsey til félagsins nema að Brendan Rodgers, stjóra Liverpool, takist að fá inn einhvern pening inn fyrir fyrrnefnda leikmenn.