Evra: Ótrúleg meiðslavandræði hjá United

Patrice Evra segir það merkilegt hversu vel Manchester United hefur tekist að glíma við þau meiðslavandræði sem hafa verið að hrjá liðið á tímabilinu.

Sérstaklega hafa varnarmenn United verið duglegir við lenda í hinum ýmsu vandaræðum. Helst fyrirliðinn Nemanja Vidic sem verður frá allt tímabilið eftir að hafa slitið krossband í desember.

Þar að auki hafa þeir Rio Ferdinand, Phil Jones, Chris Smalling og Rafael skipst á vera á meiðslalista liðsins hverju sinni þannig að Alex Ferguson, stjóri liðsins, hefur varla getað stillt upp sömu varnarlínunni í tveimur leikjum í röð.

„Það er ótrúlegt hversu margir leikmenn hafa verið meiddir hjá okkur," sagði Evra sem hefur verið fyrirliði í fjarveru Nemanja Vidic. „Það hafa mörg lið verið að kvarta undan meiðslum en þetta hefur verið ótrúlegt hjá okkur."

„Sérstaklega tók það á að þurfa að fylla í skarð Vidic. En okkur hefur tekist að komast mjög nálægt Manchester City og sýnir það hversu góður liðsandi er hjá okkur. Það er það sem mestu máli skiptir."