Er Azpilicueta á leið til Chelsea?

Samkvæmt frönskum fjölmiðlum eru taldar miklar líkur á því að spænski bakvörðurinn Cesar Azpilicueta sé á leið til Chelsea á næstu dögum.

Azpilicueta er á mála hjá Marseille og hefur lengi verið orðaður við Chelsea. Hann var ekki í leikmannahópi liðsins sem mætir Sheriff Tiraspol í forkeppni Evrópudeildar UEFA annað kvöld sem þykir gefa til kynna að hann hafi leikið sinn síðasta leik með félaginu.

Fullyrt er að félögin hafi náð saman um kaupverð, um sjö milljónir punda, og að hann muni skrifa undir fimm ára samning við Chelsea.