Van Persie: Naut þess að spila á Old Trafford

Hollendingurinn Robin van Persie fékk heldur betur draumabyrjun á ferli sínu á Old Trafford. Hann skoraði stórbrotið mark eftir tæpar tíu mínútur í dag.

"Það er alltaf gott að skora í fyrsta leik á heimavelli. Ég virkilega naut þess að spila hérna," sagði brosmildur Van Persie.

"Fulham er með gott lið og alltaf erfitt að spila gegn þeim. Á endanum fengum við samt stigin þrjú og það skiptir öllu máli.

"Old Trafford er stór leikvangur með frábærum áhorfendum. Þeir voru mjög góðir við mig í dag og það kann ég að meta. Þetta er allt ný áskorun fyrir mig og hún er skemmtileg."