Hazard og Torres sáu um Newcastle

Það verður ekki annað sagt en að Chelsea líti vel út í upphafi leiktíðar. Liðið vann sannfærandi sigur, 2-0, á Newcastle á heimavelli í dag.

Eden Hazard kom Chelsea yfir með marki úr vítaspyrnu sem Fernando Torres fiskaði. Engin snerting en vítið dæmt.

Hazard lagði svo upp mark fyrir Torres í uppbótartíma fyrri hálfleiks. Ekkert loðið þar í gangi heldur einfaldlega vel gert.

Newcastle náði aldrei að ógna Chelsea almennilega í seinni hálfleik og stigin þrjú voru eftir í London.