Van Persie ekki lengi að skora | Gylfi lagði upp mark fyrir Spurs

Nýliðarnir í liði Man. Utd - Robin van Persie og Shinji Kagawa - voru báðir á skotskónum í fyrsta heimaleik sínum. Þá lagði Man. Utd lið Fulham, 3-2, en var heppið að fá ekki á sig jöfnunarmark undir lokin.

Fulham byrjaði leikinn með miklum látum og Damien Duff nýtti sér sofandahátt Ashley Young með því að skora. Fljótasta mark andstæðings á Old Trafford í níu ár.

United var ekki lengi að svara markinu. Robin van Persie, sem var að spila sinn fyrsta heimaleik fyrir United skoraði stórglæsilegt mark á 10. mínútu.

Hinn nýi strákurinn í United-liðinu, Shinji Kagawa, kom svo United yfir fyrir hlé. Hann tók þá frákast í teig og eftirleikurinn auðveldur. Rafael skoraði svo með skalla fyrir hlé.

United hleypti Fulham inn í leikinn er Vidic skoraði slysalegt sjálfsmark. De Gea fór upp í skallaeinvígi sem Vidic var í. Enginn kom við boltann sem endaði á hæl Vidic og þaðan fór hann í netið. Lygilegt.

Wayne Rooney meiddist svo í lok leiksins. Hann fékk þá viðbjóðslegan skurð á lærið og varð að fara af velli.

Gylfi Þór Sigurðsson var kominn á bekk Tottenham í dag og hans stöðu tók Rafael van der Vaart. Í stöðunni 0-0 kom Gylfi af bekknum og hann var ekki búinn að vera lengi er hann lagði upp fyrsta mark leiksins.

Hornspyrna Gylfa rataði til Assou-Ekotto sem kom Spurs yrir. Það dugði ekki til því WBA jafnaði í uppbótartíma.

Úrslit:

Aston Villa - Everton 1-3

0-1 Steven Pienaar (2.), 0-2 Marouane Fellaini (31.), 0-3 Nikica Jelavic (44.), 1-3 KArim El Ahmadi (75.)

Rautt spjald: Ciaran Clark, Aston Villa (58.).

Man. Utd - Fulham 3-2

0-1 Damien Duff (3.), 1-1 Robin van Persie (10.), 2-1 Shinji Kagawa (34.), 3-1 Rafael (41.), 3-2 Nemanja Vidic, sjm (64.)

Norwich - QPR 1-1

1-0 Simeon Jackson (11.), 1-1 Bobby Zamora (19.)

Southampton - Wigan 0-2

0-1 Franco di Santo (51.), 0-2 Arouna Koné (88.).

Tottenham - WBA 1-1

1-0 Benoit Assou-Ekotto (74.), 1-1 James Morrison (90.+1)