Wenger: Við munum skora

Arsene Wenger, stjóri Arsenal, viðurkenndi eftir markalausa jafnteflið gegn Stoke í dag að sóknarleikurinn væri vandamál hjá liðinu. Arsenal hefur ekki enn tekist að skora í fyrstu tveimur leikjum sínum í deildinni.

"Það er verk að vinna hjá okkur að búa til tækifæri. Ég tek samt ekkert af Stoke sem varðist vel og lagði sig fram," sagði Wenger eftir leikinn í dag.

"Við erum ekki að spila nógu vel á síðasta þriðjungi vallarins," sagði Wenger en gárungarnir gera gys að því að Robin Van Persie sé búinn að skora meira en allt Arsenal-liðið.

"Ég vil ekki taka neitt af Van Persie enda stórkostlegur leikmaður en ég hef samt ekki áhyggjur af því að við munum skora með þá leikmenn sem við höfum."

Stjórinn útilokar ekki að hann muni rífa upp veskið áður en leikmannamarkaðurinn lokar á nýjan leik.

"Ég útiloka ekki neitt. Við erum að þreifa fyrir okkur, erum með augun opin og gætum látið til okkar taka."