Rooney: Í lagi með löppina

Wayne Rooney, leikmaður Manchester United, segir að meiðslin sem hann varð fyrir í leik liðsins gegn Fulham um helgina séu ekki jafn slæm og þau litu út fyrir að vera.

Rooney fékk djúpan skurð í lærið þegar að Hugo Rodallega fór óvart með takkaskóna á bólakaf í löppina. Rooney var fluttur á sjúkrahús og verður hann frá í allt að tvo mánuði.

„Ég er miður mín yfir því að vera frá svona lengi en það er í lagi með löppina sem er aðalatriðið," skrifaði hann á Twitter-síðuna sína í dag.

Rooney kom inn á sem varamaður í leiknum en atvikið átti sér stað í uppbótartíma leiksins, sem United vann 3-2.