Barry og Richards verða ekki með meisturum City í dag

Ensku landsliðsmennirnir Gareth Barry og Micah Richards verða fjarri góðu gamni í dag þegar Englandsmeistarar Manchester City mæta bikarmeisturum Chelsea í árlegum leik um Samfélagsskjöldinn sem fer fram á Villa Park. Leikurinn hefst klukkan 12.30 og er í beinni á Stöð 2 Sport og Stöð 2 Sport 2.

Báðir leikmennirnir eru báðir meiddir. Gareth Barry er enn að ná sér vegna meiðsla á mjöðm sem sáu til þess að hann missti af EM síðasta sumar og Micah Richards meiddist á ökkla með breska landsliðinu á Ólympíuleikunum. Barry fór í -aðgerð í síðasta mánuði en gerir sér vonir um að ná fyrsta leiknum í ensku úrvalsdeildinni.

Vincent Kompany, fyrirliði Manchester City, hefur verið meiddur á kálfa en það er samt búist við því að hann geti spilað leikinn á móti Chelsea í dag. Kompany flaug heim í miðri æfingaferð City-liðsins til Asíu og hefur ekki spilað síðan.

David Silva og Mario Balotelli, sem tóku báðir þátt í úrslitaleik EM í sumar með Spáni og Ítalíu, verða líklega ekki í byrjunarliði City-liðsins í dag enda komu þeir seinna til móts við liðið í sumar.