Newcastle að kaupa miðjumann frá Ajax

Newcastle virðast vera að ganga frá kaupunum á Vurnon Anita, 23 ára leikmanni sem leikur með Ajax í Hollandi. Newcastle hafa verið að leitast eftir að styrkja lið sitt og hafa lengi fylgst með Anita.

Newcastle hafa verið orðaðir við marga leikmenn í sumar, Anita, liðsfélaga hans Gregory Van Der Wiel og Mathieu Debuchy frá Lille. Nú virðist hinsvegar loksins einhver hreyfing vera að koma á mál þeirra en gangi kaupin eftir verða þetta fyrstu kaup liðsins í sumar.

„Anita virðist vera að ganga frá samningum við Newcastle," viðurkenndi Frank De Boer, þjálfari Ajax við heimasíðu deildarkeppninnar.

Anita er 23 ára fjölhæfur leikmaður sem getur bæði spilað sem djúpur miðjumaður og vinstri bakvörður. Hann eykur á breidd Newcastle sem spila í Evrópukeppninni í ár eftir frábært gengi í deildarkeppninni á síðasta ári. Hann á að baki 3 landsleiki með Hollenska landsliðinu auk fjöldan allra leikja með yngri landsliðum Hollands.