Di Matteo ánægður með Hazard og Torres

Roberto Di Matteo var ánægður með margt í leik sinna manna en fannst rauða spjaldið eyðileggja möguleika liðsins í 3-2 tapi gegn Manchester City í leik um Samfélagsskjöldinn.

„Þetta var erfitt í seinni hálfleik, rauða spjaldið breytti leiknum í hag Manchester City. Við börðumst vel og vorum fram að spjaldinu með forskotið í leiknum fannst mér en það er erfitt að vera aðeins með 10 menn."

„Tæklingin hafði engan vilja til að meiða andstæðinginn, hann renndi sér meðfram jörðinni og tók boltann. Stundum er rautt gefið fyrir þessar aðstæður og stundum ekki en ég er viss um að það var enginn vilji af Branislav til að meiða neinn."

Di Matteo var þó ánægður með frammistöður Hazard og Torres í leiknum.

„Hazard skapaði mikinn usla, hann var líflegur og fékk nokkur færi. Hann sýndi hvað hann getur og ég er viss um að hann eigi eftir að eiga flotta framtíð hjá okkur."

„Torres var mjög hættulegur í leiknum, þetta eru fyrstu 90 mínúturnar sem hann spilar síðan hann kom aftur og hann stóð sig vel. En við verðum að deila ábyrgðinni að skora mörk, Hazard, Torres, Ramires, Mata, Sturridge og Lampard geta vonanandi allir hjálpað til," sagði Di Matteo