Butland eða Ruddy ver mark Englendinga

Markvörðurinn Joe Hart og framherjinn Daniel Sturridge hafa dregið sig út úr landsliðshópi Englands. Englendingar mæta Ítölum í æfingaleik í Bern í Sviss á miðvikudag.

Roy Hodgson, landsliðsþjálfari Englands, ætlar ekki að kalla inn nýja leikmenn í hópinn í fjarveru leikmannanna tveggja.

Hart glímir við meiðsli í baki sem urðu til þess að mann missti af viðureign Manchester City gegn Chelsea í leiknum um Samfélagsskjöldinn á Villa Park í gær. Fjarvera hans þýðir að John Ruddy eða táningurinn Jack Butland ver mark Englands í leiknum.

Ruddy og Butland voru valdir í lokahóp Englands á Evrópumótinu í sumar. Ruddy þurfti að draga sig úr hópnum vegna fingurbrots en hinn 19 ára Butland sat allan tímann á varamannabekknum. Hann fékk þó dýramæta reynslu með landsliði Breta á Ólympíuleikunum í London.

Daniel Sturridge kom inná sem varamaður hjá Chelsea í 3-2 tapinu gegn City í gær. Hann mun glíma við meiðsli á tá.

Uppfært: Jolean Lescott, miðvörður Manchester City, hefur verið kallaður í hópinn vegna meiðsla Alex Oxlade-Chamberlain.