Van Persie verður númer 20 - myndir frá komu hans á Old Trafford

Robin van Persie var formlega kynntur sem leikmaður Manchester United í dag en hann skrifaði þá undir fjögurra ára samning, æfði með liðinu í fyrsta sinn og sat síðan fyrir svörum á blaðamannafundi ásamt stjóranum Sir Alex Ferguson.

Robin van Persie fær treyju númer 20 hjá Manchester United en hann gæti spilað sinn fyrsta leik á mánudaginn þegar United mætir Everton í fyrstu umferð ensku úrvalsdeildarinnar.

Ljósmyndarar Getty og AFP voru staddir í Manchester í dag og fylgdust með komu hollenska framherjans. Við höfum tekið saman myndasyrpu með deginum hjá Van Persie. Myndirnar má sjá í albúminu hér að neðan. Hægt er að sjá myndirnar stærri með því að smella á þær.