City hóf titilvörnina með sigri

Englandsmeistarar Manchester City lentu í kröppum dansi gegn nýliðum Southampton á heimavelli sínum í dag. City vann 3-2 sigur eftir að hafa lent undir þegar rétt rúmar 20 mínútur voru til leiksloka.

Carlos Tevez kom Manchester City yfir á 40. mínútu eftir góða sendingu Nasri inn fyrir vörn Southampton. Verðskulduð forysta í hálfleik.

Þegar tæpur stundarfjórðungur var liðin af seinni hálfleik hófust ótrúlegar níu mínútur. Tveir varamenn komu Southampton yfir. Rickie Lambert skoraði á 59. mínútu eftir að hafa verið fjórar mínútur inni á vellinum og níu mínútum síðar skoraði Steven Davis sem aðeins hafði verið þrjár mínútur inni á vellinum og það fór um stuðningsmenn Manchester City.

Það fór þó ekki um leikmenn Manchester City. Edin Dzeko jafnaði aðeins fjórum mínútum síðar og Samir Nasri kom Manchester City yfir á ný þegar tíu mínútur voru eftir af leiknum og reyndist það sigurmark leiksins.