Jóhann Berg lék 25 mínútur í sigri AZ

Jóhann Berg Guðmundsson kom inn á sem varamaður í liði AZ Alkmaar sem sigraði Heracles Almelo 3-1 í annarri umferð hollensku úrvalsdeildarinnar í dag. AZ er því með fjögur stig eftir tvo fyrstu leikina en liðið gerði jafntefli við Ajax um síðustu helgi.

Bandaríkjamaðurinn Josmer Volmy Altidore skoraði fyrsta mark leiksins á 16. mínútu eftir undirbúning Roy Beerens. Belginn Maarten Martens skoraði seinna marið á 26. mínútu eftir sendingu Adam Maher en Jóhann kom inn á fyrir Martens.

Svíinn Samuel Armenteros minnkaði muninn á 87. mínútu en þegar tvær mínútur voru komnar fram yfir venjulegan leiktíma gulltryggði Altidore sigur AZ með öðru marki sínu eftir sendingu finska varnarmannsins Nikolas Moisander.