Villas-Boas: Mun aldrei ganga frá borði

Andre Villas-Boas sgir að það myndi aldrei hvarfla að honum að segja sjálfviljugur upp starfi sínu sem knattspyrnustjóri Chelsea.

Villas-Boas tók við Chelsea í sumar en er talinn valtur í sessi. Krafan er skýr - Chelsea á að vinna titla en óvíst hvort það takist þetta tímabilið.

„Ég myndi aldrei hætta eða gefast upp. Þannig er ég ekki gerður," sagði Villas-Boas við enska fjölmiðla. Hann var spurður hvort hann teldi að hann ætti skilið að vera rekinn. „Þú verður að spyrja eigandann. Hann einn getur sagt til um það."

„Það þykir ekki nógu gott að fara í gegnum tímabil án þess að vinna neitt hjá þessu félagi," bætti Portúgalinn við. „Ef það geris t aftur í ár verðum við að hugsa um hvað við erum að gera rangt."