Fyrrum kærustupar deildu um forræði yfir hundi

Það var mikil gleði í dómsal í litlum bæ í grennd við borgina Marseille í Frakklandi á dögunum en þá vann karlmaður forræðisdeilu sem fyrrum kærasta hans höfðaði gegn honum. Deilan snérist þó ekki um barn eins og algengt er í slíkum málum, heldur um hund.

Parið hætti saman fyrir nokkrum mánuðum eftir fimmtán mánaða samband. Fljótlega eftir að þau byrjuðu saman gaf kærastan manninum lítinn hvolp af tegundinni Terrier. Þegar þau hættu saman vildi kærastan hins vegar fá að halda hundinum og þegar hann neitaði því, fór hún í mál við hann.

Lögfræðingur mannsins sagði að eigandinn hefði ekki komið vel fram við hundinn og að þeim kæmi afar vel saman. Máli sínu til stuðnings benti hann á að hundurinn hefði alltaf dvalið á heimili hans og að parið hefði ekki búið saman.

Dómarinn dæmdi manninum í vil og sagði að hundinum vær best borgið á heimili hans. Konan fær því ekki að umgangast hundinn og dæmdi dómarinn hana til að dæma málskostnað fyrrum kærasta síns.