Hver verður í marki United í kvöld? | Lindegaard meiddur - De Gea veikur

Sir Alex Ferguson, stjóri Manchester United, er í markmannsvandræðum fyrir leikinn á móti Stoke í kvöld því Spánverjinn David De Gea er veikur og Daninn Anders Lindegaard meiddist á æfingu fyrir leikinn.

David De Gea og Anders Lindegaard hafa varið mark United til skiptis á tímabilinu en nú þarf Sir Alex væntanlega að leita til Ben Amos eða Tomasz Kuszczak fyrir leikinn í kvöld.

Anders Lindegaard meiddi sig á ökkla á æfingu í gær en hann átti að koma inn í liðið vegna veikinda De Gea. De Gea stóð í markinu í bikartapinu á móti Liverpool á laugardaginn. Meiðsli Danans gætu verið alvarleg.

Wayne Rooney, Phil Jones og Nani eru líka allir meiddir og verða ekki með í kvöld en Rio Ferdinand er leikfær á nýjan leik.