Wayne Bridge lánaður til Sunderland

Wayne Bridge er kominn norður til Sunderland þar sem hann mun gangast undir læknisskoðun í dag. Bridge fær engin tækifæri hjá Roberto Mancini, stjóra Manchester City, en ítalska stjóranum ætlar engu að síður ekki að ná að selja enska bakvörðinn.

Martin O'Neill, stjóri Sunderland, hefur náð að gerbreyta gengi Sunderland-liðsins eftir að hann tók við liðinu af Steve Bruce. O'Neill er væntanlega að gera góða hluti með að næla í Wayne Bridge á láni.

Wayne Bridge er 31 árs vinstri bakvörður sem hefur verið í herbúðum Manchester City frá 2009 en var lánaður til West Ham á svipuðum tíma í fyrra. Bridge lék áður með Chelsea á árunum 2003 til 2009 en hann var enskur landsliðsmaður á meðan hann lék á Stamford Bridge.

Wayne Bridge hefur aðeins fengið að spila einn leik með Manchester City á þessu tímabili en það var leikur á móti Birmingham City í enska deildabikarnum.