Áhorfandi handjárnaði sig við annað markið á Goodison Park

Ótrúlegt atvik átti sér stað þegar um fimm mínútur voru eftir af fyrri hálfleik leiks Everton og Manchester City og þurfti að gera hlé á leiknum í nokkrar mínútur.

Áhorfandi, karlmaður á miðjum aldri, hljóp inn á völlinn og handjárnaði sig við annað markið á vellinum. Af áletrun á bol sem hann var klæddur í virtist sem svo að maðurinn væri ósáttur við írska lággjaldaflugfélagið Ryan Air.

Maðurinn lét ekki segjast eftir tiltal frá leikmönnum og neitaði að fara sjálfviljugur í burtu. Lögreglan kom á svæðið og tókst að fjarlægja manninn eftir að um fjögurra mínútna bið.

Fyrri hálfleik er nú lokið og er staðan markalaus.