Saha samdi við Tottenham

Tottenham gekk í kvöld frá samningi við sóknarmanninnum franska Louis Saha sem hefur verið á mála hjá Everton síðustu árin.

Saha átti hálft ár eftir af samningi sínum við Everton og segir á heimasíðu félagsins að honum hafi því verið leyft að fara til Tottenham. Þar er einnig tekið fram að Saha hafi skorað aðeins tvö mörk í 20 leikjum á tímabilinu og að hann hafi ekkert skorað í síðustu þrettán leikjum.

Saha kom til Everton frá Manchester United árið 2008 eftir fjögurra ára dvöl í Manchester. Þar áður var hann í fjögur ár hjá Fulham.