Mancini bætti miðjumanni í hópinn

David Pizarro hefur verið lánaður frá ítalska úrvalsdeildarfélaginu Roma til Manchester City til loka leiktíðarinnar. Hann er 32 ára miðjumaður frá Síle sem hefur lítið fengið að spila á Ítalílu í vetur.

Pizaarro kom til Ítalíu árið 1999 er hann gekk til liðs við Udinese. Hann var svo í eitt tímabil hjá Inter, frá 2005 til 2006, þar sem hann lék undir stjórn Roberto Mancini, núverandi stjóra Manchester City.

En að því tímabili loknu fór hann til Roma þar sem hann hefur verið síðan. Á þeim tíma hefur hann tvívegis orðið bikarmeistari og einu sinni meistari meistaranna.