Neil Wornock, fyrrum stjóri QPR í ensku úrvalsdeildinni, segir að Twitter hafi átt stóran þátt í því að hann var leystur frá störfum hjá félaginu.
Tony Fernandes, eigandi QPR, tók þá ákvörðun að reka Warnock eftir slæmt gengi liðsins að undanförnu en liðið hefur unnið fáa leiki síðustu vikurnar.
„Ég veit fyrir hvaða áhrifum hann hefur orðið fyrir frá vissum einstaklingum síðustu vikurnar," sagði Warnock. „Það hefur verið erfitt fyrir hann að láta það ekki hafa áhrif á sig. Fólk er mikið í símanum og tístar (skrifar Twitter-færslur) á 5-10 mínútna fresti. Það er eins og að það hafi verið eitrað fyrir honum."
„Þetta kom frá aðilum bæði innan félagsins og utan þess. Með því að leyfa leikmönnum að tala við eigendur félagsins er verið að setja slæmt fordæmi en það er ekki hægt að stöðva Twitter og álíka fyrirbæri."
„Það er til mikið af klóku og útsjónarsömu fólki sem kann að nota svona miðla. Ég er ekkert bitur - þetta er bara eins og þetta er."
KR
Vestri
