Mancini: Spiluðum illa í fyrri hálfleik

Roberto Mancini sagði að sínir menn í Manchester City hafi ekki átt skilið að tapa fyrir Liverpool í undanúrslitum ensku deildabikarkeppninnar í kvöld.

Liverpool vann, 1-0, með marki Steven Gerrard úr vítaspyrnu í fyrri hálfleik en City var mikið með boltann í seinni hálfleik án þess að skora. Þeir söknuðu greinilega þeirra Vincent Kompany, Yaya Toure og David Silva en enginn þeirra gat spilað með City í kvöld.

„Við spiluðum ekki vel í fyrri hálfleik og eitthvað sem getur gerst í fyrsta sinn í sex mánuði," sagði Mancini eftir leik. „Þetta er erfitt án 3-4 [sterkra] leikmanna en við áttum ekki skilið að tapa. Við spiluðum illa í fyrri hálfleik en þetta eru ekki rétt úrslit."

„Sanngjörn niðurstaða hefði verið jafntefli. Kannski var vítaspyrnudómurinn rétti en Glen Johnson bauð upp á tæklingu í kvöld sem var verri en hjá Vincent Kompany gegn Manchester United."

Kompany er nú að taka út fjögurra leikja bann fyrir rauða spjaldið sem hann fékk gegn United.