Rodgers: Allen á leið til Liverpool

Brendan Rodgers, stjóri Liverpool, staðfesti í gærkvöldi að Joe Allen væri á leið til félagsins frá Swansea.

Allen er 22 ára miðvallarleikmaður og var hann í stúkunni þegar að Liverpool vann 3-0 sigur á FC Gomel í forkeppni Evrópudeildar UEFA í gærkvöldi.

„Það er stutt í þetta. Vonandi verður hægt að gang frá þessu á næsta sólarhing," sagði Rodgers eftir leikinn í gær.

Talið er að Allen muni gangast undir læknisskoðun í dag og skrifa undir samning að henni lokinni. Rodgers var áður stjóri Swansea og þekkir því vel til Allen.

Viðræður hófust á milli félaganna í síðasta mánuði og var fyrsta tilboði Liverpool hafnað. En nú er útlit fyrir að félögin hafi náð saman.